İslam İnqilabı Keşikçiləri Korpusu (İİKK) neft qiymətlərini 200 dollara qaldırmaqla hədələyir.
“Biz neft boru kəmərlərinə hücum edəcəyik və bölgədən bir damla neftin çıxmasına icazə verməyəcəyik. Neftin qiyməti yaxın günlərdə 200 dollara çatacaq”. “Əl-Cəzirə” xəbər verir ki, bu sözləri İİKK generalı İbrahim Cabari bildirib. O, əlavə edib ki, amerikalılar regiondan neftdən asılıdır və “minlərlə milyard dollar borcu var”. O, həmçinin İranın Hörmüz boğazından keçən bütün gəmilərə hücum edəcəyini deyib.
“Boğaz bağlıdır. Kimsə keçməyə cəhd edərsə, İnqilab Keşikçiləri Korpusunun və donanmanın qəhrəmanları həmin gəmiləri yandıracaq”, – Cabari bildirib. Nəşr xəbər verir ki, Tehran həqiqətən də qlobal neft təchizatı üçün vacib olan infrastrukturu hədəf alır. Bu, 28 fevralda başlayan və İranın Ali Lideri Ayətullah Əli Xameneinin və digər yüksək vəzifəli şəxslərin ölümü ilə nəticələnən İsrail-ABŞ bombardman kampaniyasının “qisasıdır”.
//Samir Qurbanov, Editor.az
