CENTCOM rəhbəri bildirib ki, məhv edilən gəmilər arasında İranın ən işlək vəziyyətdə olan sualtı qayıqlarından biri də var...
Poliqon xəbər verir ki, bu barədə ABŞ Silahlı Qüvvələrinin Mərkəzi Komandanlığının (CENTCOM) rəhbəri, general Bred Kuper sosial şəbəkə platforması X-də paylaşım edərək məlumat verib. Onun sözlərinə görə, ABŞ qüvvələri İrana məxsus ümumilikdə 17 hərbi gəmini məhv edib və onların arasında İran donanmasının ən işlək vəziyyətdə olan sualtı qayıqlarından biri də olub.
Generalın açıqlamasına görə, zərbələr nəticəsində sözügedən sualtı qayıq ciddi zədələnib və onun gövdəsində deşik əmələ gəlib. Bununla belə, hadisə zamanı sualtı qayığın ekipaj üzvlərinin taleyi barədə hər hansı məlumat verilməyib və onların xəsarət alıb-almaması hələlik açıqlanmayıb.
Hazırda regionda vəziyyət gərgin olaraq qalır və beynəlxalq müşahidəçilər qarşıdurmanın daha geniş miqyas alacağı ehtimalını istisna etmirlər. Münaqişənin inkişafı həm regional təhlükəsizlik, həm də qlobal enerji və nəqliyyat marşrutları baxımından ciddi nəticələr doğura bilər.
Poliqon.info
