ABŞ-nin prezidenti Donald Tramp İran millisinin 2026-cı il dünya çempionatına qatılmaqdan imtina edə biləcəyi ehtimalına münasibət bildirib.
Rekord.az “Politico”ya istinadən xəbər verir ki, Tramp bu məsələyə sərt reaksiya verərək, İran millisinin mundialda oynayıb-oynamamasının onun üçün fərq etmədiyini vurğulayıb.
ABŞ hazırda İrana qarşı hərbi əməliyyatlara başlayıb və regionda gərginlik davam edir. Bu fonda İran millisinin turnirdə iştirakı ilə bağlı müxtəlif ehtimallar səsləndirilir.
2026-cı il dünya çempionatı Şimali Amerikada keçiriləcək. Turnirə üç ölkə – ABŞ, Kanada və Meksika ev sahibliyi edəcək. İran yığması mundialın iştirakçıları sırasındadır.
Hazırda dünya çempionu statusunu Argentina millisi daşıyır. Cənubi Amerika təmsilçisi 2022-ci il mundialının finalında Fransa millisini məğlub edərək, titula sahib çıxmışdı.
