BAKI, 4 mart. TELEQRAF
8 Mart – Beynəlxalq Qadınlar Günü ilə əlaqədar qeyri-iş günlərinin təsdiqlənməsi qatarların hərəkət qrafikinə təsir edib.
Teleqraf xəbər verir ki, 8 mart tarixinin bazar gününə təsadüf etməsi səbəbindən 9 mart bazar ertəsi qeyri-iş günü elan olunub.
Bu səbəbdən 7, 8 və 9 mart tarixlərində Bakı-Pirşağı-Sumqayıt-Bakı və Bakı-Xırdalan-Bakı marşrutları üzrə qatarlar həftəsonu (şənbə-bazar) qrafiki ilə hərəkət edəcək.
Sərnişinlərə səfərlərini planlaşdırarkən bu dəyişiklikləri nəzərə almaları tövsiyə olunur.
