Lent az saytından verilən məlumata əsasən, ain.az məlumatı açıqlayır.
Bəzən bal bankada bərkiyərək kristallaşır və ya şəkərləşmiş kimi görünür. Bu vəziyyət çoxlarını narahat edir və balın dadını və faydasını itirib-itirmədiyi barədə suallar yaradır.
Lent.az xarici mediaya istinadən xəbər verir ki, mütəxəssislərin sözlərinə görə, burada narahat olmağa əsas yoxdur, belə bal tam istifadə oluna bilər və düzgün üsulla onu yenidən yumşaq, maye hala gətirmək mümkündür.
Bal niyə kristallaşır?
Kristallaşma bal üçün tam təbii bir prosesdir. Bu proses balın tərkibindəki qlükoza və fruktoza nisbəti ilə bağlıdır. Qlükozanın miqdarı nə qədər çox olarsa, bal bir o qədər tez qatılaşır və kristallar əmələ gətirir.
Adətən bal sağıldıqdan 1–3 ay sonra kristallaşmağa başlayır. Lakin bu müddət balın növündən və saxlanma şəraitindən asılı olaraq dəyişə bilər:
Günəbaxan və qarabaşaq balı – 2–4 həftə
Cökə balı – 2–3 ay
Qarışıq çiçək balı – 1–6 ay
Akasiya balı – 6–12 ay və ya daha çox.
Mütəxəssislərin sözlərinə görə, balın kristallaşması əslində onun təbii olmasının göstəricilərindən biridir.
Bal canlı məhsuldur
Təbii balın tərkibində çoxlu fermentlər və aktiv maddələr mövcuddur. Bu maddələr 40–45°C-dən yuxarı temperaturda parçalanmağa başlayır.
Balı çox qızdırmaq onun yalnız faydalı xüsusiyyətlərini deyil, həm də dadını və ətrini zəiflədir. Buna görə də mikrodalğalı soba, qaynar su və ya soba kimi “sürətli üsullar” balın dəyərini demək olar ki, məhv edir.
Balı qızdırarkən nələrdən çəkinmək lazımdır?
Mütəxəssislər aşağıdakı üsullardan istifadə etməməyi tövsiyə edirlər:
Balı mikrodalğalı sobada qızdırmaq, üzərinə qaynar su tökmək, metal qabda qızdırmaq, balı günəş altında və ya radiator yanında saxlamaq.
Bu hallarda istilik və metal reaksiyası balın tərkibindəki faydalı maddələri məhv edə bilər.
Şəkərləşmiş balı necə təhlükəsiz yumşaltmaq olar?
Ən etibarlı üsul su hamamı (vodnaya banya) metodudur.
Bunun üçün:
1. Bir qabda suyu təxminən 40°C-ə qədər qızdırın.
2. Bal olan şüşə bankanı həmin suyun içinə yerləşdirin.
3. Balı birbaşa od üzərində qızdırmayın.
4. Vaxtaşırı qarışdıraraq istiliyin bərabər yayılmasını təmin edin.
Bu üsul bir qədər vaxt tələb etsə də, nəticədə bal dadını, ətrini və faydalı xüsusiyyətlərini itirmədən yenidən yumşaq hala gəlir.
Kristallaşmanı necə gecikdirmək olar?
Bu prosesi tam dayandırmaq mümkün olmasa da, onu yavaşlatmaq mümkündür:
Balı otaq temperaturunda və şüşə qabda və sıx bağlanan qapaqla saxlamaq.
Bu qaydalara əməl etdikdə bal daha uzun müddət yumşaq qalır və istifadəyə hazır vəziyyətdə saxlanılır.
Sonrakı hadisələr barədə daha çox məlumat almaq üçün ain.az saytını izləyin.
