Prezident İlham Əliyev Slovakiya Respublikasının Prezidenti Peter Pelleqriniyə Azərbaycana göstərdiyi dəstəyə görə təşəkkür edib.
APA xəbər verir ki, bu barədə Azərbaycan Prezidenti İlham Əliyevin sosial media hesabında məlumat paylaşılıb.
“Slovakiya Prezidenti Peter Pelleqriniyə İran İslam Respublikası dronlarının Naxçıvanda mülki infrastruktura son hücumları ilə bağlı prinsipial mövqeyinə və həmrəyliyinə görə səmimi təşəkkürümü bildirirəm.
Slovakiya diplomatik heyətinin Tehrandan təxliyəsinə Azərbaycanın dərhal dəstəyi ölkələrimiz arasında münasibətlərin strateji səviyyəsinin əyani təzahürüdür və beynəlxalq əməkdaşlığa sadiqliyimizin ifadəsidir”, - paylaşımda qeyd edilib.
