Livandakı “Hizbullah” hərəkatı İsrailin şimalında yerləşən Hayfa şəhərinə raket zərbəsi endirib.
Musavat.com xəbər verir ki, sosial şəbəkələrdə yayılan görüntülərdə raketin buraxılış anı açıq şəkildə əks olunub. Kadrlarda raketin start mövqeyindən buraxıldığı və daha sonra İsrail istiqamətində hərəkət etdiyi görünür.
Məlumata görə, hücum İran və İsrail arasında artan hərbi gərginlik fonunda həyata keçirilib. “Hizbullah”a yaxın mənbələr bu zərbəni regiondakı son hadisələrə cavab addımı kimi qiymətləndirir.
Hələlik İsrail tərəfi hücum nəticəsində dağıntı və ya itkilərlə bağlı rəsmi açıqlama verməyib. Bununla belə, Hayfa və ətraf bölgələrdə hava hücumu siqnallarının işə düşdüyü və sakinlərin sığınacaqlara yönləndirildiyi bildirilir.
Yayılan görüntülərdə raketin buraxılış anı və havaya qalxması aydın şəkildə görünür.
Musavat.com
