Marja.az saytından verilən məlumata əsasən, ain.az məlumatı açıqlayır.
Qlobal neft qiymətləri 2022-ci ildə Rusiya-Ukrayna müharibəsinin ilk aylarından bəri ilk dəfə olaraq bir barel üçün 110 dollar səviyyəsini keçib.
Marja xəbər verir ki, bazar günü ABŞ-da gecə əməliyyatlarında beynəlxalq etalon sayılan Brent markalı neft və ABŞ-ın WTI markalı xam nefti 25%-dən çox bahalaşaraq bir barel üçün 116 dolların üzərinə qalxıb. Münaqişənin başlanmasından bəri Brent nefti təxminən 50%, WTI isə 60%-dən çox bahalaşıb.
ABŞ fond bazarlarında eniş
Neft qiymətlərinin kəskin artması fonunda ABŞ fond bazarlarında da satışlar güclənib.
- S&P 500 və Nasdaq 100 indekslərinin fyuçersləri təxminən 1,5% geriləyib.
- Dow Jones sənaye indeksi fyuçersləri isə 2% düşüb.
Yaxın Şərqdə gərginlik bazarları silkələdi
Qiymətlərin sürətlə artmasının əsas səbəbi ABŞ və İsrailin 28 fevral tarixində İrana qarşı başladığı hava zərbələri və regionda gərginliyin kəskin artmasıdır.
Məlumata görə, hücumlar zamanı İranın ali dini lideri Əli Xamenei öldürülüb. İran tərəfinin sərt cavab tədbirləri və münaqişənin genişlənməsi riskləri enerji bazarlarında ciddi narahatlıq yaradıb.
Bu hadisələr nəticəsində neft qiymətləri 1985-ci ildən bəri ən böyük həftəlik artımlardan birini qeydə alıb.
Hürmüz boğazı risk altındadır
Münaqişənin ən kritik təsirlərindən biri Hörmüz boğazından keçən tanker daşımalarının demək olar ki, dayanmasıdır.
Basra körfəzini qlobal bazarlarla birləşdirən bu su yolundan hər gün təxminən 20 milyon barel neft, yəni dünya üzrə dəniz yolu ilə daşınan neftin təxminən beşdə biri keçir.
Vortexa şirkətinin məlumatına görə, hazırda təxminən 16 milyon barel gündəlik neft boğazın arxasında qalaraq bazara çıxarıla bilmir.
150 dollar riski
Macquarie bankının strateqi Vikas Dwivedi bildirib ki, Hürmüz boğazının bir neçə həftə bağlı qalması neft qiymətlərinin 150 dolların üzərinə qalxmasına səbəb ola biləcək domino effekti yarada bilər.
Ən son xəbərləri və yenilikləri almaq üçün ain.az saytını izləyin.
