ain.az, Azpolitika.az saytına istinadən bildirir.
Rusiyanın "Red Wings" aviaşirkətinə məxsus və Kazandan Yekaterinburqa uçan "Sukhoi Superjet 100" təyyarəsi nasazlıq səbəbindən uçduğu hava limanına qayıdıb.
“AzPolitika” xəbər verir ki, Rusiya mediasının yazdığına görə, aviaşirkət hadisənin səbəbini eniş mexanizmindəki problemlərlə əlaqələndirib. Təyyarədə 85 sərnişin olub. Eniş zamanı heç kim xəsarət almayıb.
Bu, son 24 saat ərzində Rusiya aviaşirkətlərilə bağlı ikinci hadisədir. Bundan az öncə Tümendən Vyetnamın Nha Trang şəhərinə uçan "Azur Air"-ə aid Boeing 767-300 təyyarəsi qəza siqnalı verib. Bu, uçuşdan altı saat sonra, Myanma yaxınlığında baş verib. Təyyarədə mühərrik problemləri yaranıb. Ekipaj Myanmanın ən yaxın hava limanı olan Yanqonda eniş etmək qərarına gəlib. 336 sərnişindən və on heyət üzvündən heç kim xəsarət almayıb. Əvvəllər eyni təyyarədə iki mühərrik yanması baş verib.
Birinci hadisə 27 fevralda, təyyarənin Vyetnamın Fukuok adasından Kazana uçuşu zamanı, digəri martin 2-də Moskvadan Taylandın Pattaya şəhərinə yola düşdükdən sonra yaşanıb. Aprel ayından etibarən Azur Air təyyarələrinin sıradan çıxması səbəbindən heyətini və uçuş cədvəlini azaldacaq.
“AzPolitika.info”
Sonrakı hadisələr barədə daha çox məlumat almaq üçün ain.az saytını izləyin.
