İraqın şimalında şiə xalq könüllüləri dəstələrinin ("Əl-Həşd əş-Şaabi") mövqelərinin bombalanması nəticəsində azı beş döyüşçü həyatını itirib.
AFN.az xəbər verir ki, "Al Hadath" telekanalının İraqın təhlükəsizlik strukturlarındakı mənbələrinə istinadən verdiyi məlumata görə, hücum Kərkük şəhəri yaxınlığındakı Dibis rayonunda yerləşən 40-cı briqadanın mövqelərinə endirilib.
"Əl-Həşd əş-Şaabi" dəstələri İraqda İŞİD terror qruplaşmasına qarşı mübarizə dövründə yaradılıb və bu qələbədə mühüm rol oynayıb. Hazırda rəsmi olaraq İraq ordusunun tərkibinə daxil edilsə də, ABŞ bu qurumu Tehran tərəfindən maliyyələşdirilən və dəstəklənən İranpərəst struktur hesab edir.
Bölgədəki gərginlik fonunda bu cür zərbələr Vaşinqtonun İranın regional təsirini zəiflətmək strategiyasının tərkib hissəsi kimi qiymətləndirilir. Rəsmi Bağdad hələlik hadisə ilə bağlı geniş açıqlama verməyib.
