ain.az, Banco.az saytından verilən məlumata əsaslanaraq xəbər yayır.
Müəllif:Mehin Qasımova,Banco.az
ABŞ prezidenti Donald Trampın Yaxın Şərqdə davam edən müharibənin tezliklə başa çata biləcəyini bildirməsindən sonra qlobal bazarlarda qızılın qiyməti artıb.
Banco.az xəbər verir ki, Trampın bu açıqlaması fonunda ABŞ dolları və neft qiymətlərində enmə müşahidə olunub. Qızıl külçələri 0,9 faiz bahalaşaraq unsiyası 5184 dollardan yuxarı qalxıb və əvvəlki sessiyada qeydə alınan itkiləri kompensasiya edib. Dollar 0,1 faiz geriləyib, neft qiymətləri isə 10 faizdən çox düşüb.
Analitiklər bildirirlər ki, Ağ Evin İranla davam edən müharibəyə son qoymağa hazır olduğuna dair siqnallar qızıl bazarında təzyiqi azalda bilər. Bundan əvvəl Hörmüz boğazı ətrafında gərginliyin artması və İranın enerji infrastrukturuna raket hücumları neft qiymətlərinin yüksəlməsinə və inflyasiya ilə bağlı narahatlıqların artmasına səbəb olmuşdu.
Eyni zamanda gümüş 2,9 faiz bahalaşaraq 89,49 dollara yüksəlib, platin də artım göstərib, palladium isə ucuzlaşıb.
Sonrakı hadisələr barədə daha çox məlumat almaq üçün ain.az saytını izləyin.
