BAKI, 11 mart. TELEQRAF
İranın xarici işlər naziri Abbas Əraqçi Tehranın ABŞ-a qarşı preventiv zərbə endirməyi planlaşdırdığı barədə yayılan iddiaları təkzib edib.
Teleqraf xəbər verir ki, Əraqçi bildirib ki, İranın ABŞ-yə və ya Amerika hərbi qüvvələrinə qarşı istər preventiv, istərsə də qabaqlayıcı hücum hazırladığı barədə iddialar tamamilə yalandır.
“İranın ABŞ-yə və ya Amerika qoşunlarına hücum planlaşdırdığı barədə iddia istər preventiv, istərsə də qabaqlayıcı olsun tamamilə yalandır. Bu yalanın yeganə məqsədi “Epik səhv” əməliyyatına haqq qazandırmaqdır”, - deyə o, "X" sosial şəbəkəsində yazıb.
Nazirin sözlərinə görə, sözügedən əməliyyat İsrail tərəfindən təşkil olunmuş və onun xərcləri adi amerikalı vətəndaşlar tərəfindən ödənilib.
