Dünyanın ən böyük avtomobil istehsalçısı olan Çin avtomobil istehsalçısı BYD Formula 1-ə qatılmağı düşünür.
"Ölkə.az" xəbər verir ki, bu barədə Bloomberg mənbələrə istinadən məlumat yayıb.
BYD son zamanlar beynəlxalq bazarlarda iştirakını genişləndirir. Bloomberg-in məlumatına görə, Formula 1-də iştirak brendin qlobal cazibəsini artırmağın bir yolu kimi nəzərdən keçirilir. Digər variantlar arasında Fransada keçirilən 24 saatlıq Le Man yarışı kimi məşhur dözümlülük yarış seriyasında iştirak da var. Mənbələr bildirir ki, BYD yeni yarış komandası yaratmaq və ya mövcud komandanı əldə etmək barədə düşünür.
Bloomberg qeyd edir ki, ümumiyyətlə, Çin avtomobil istehsalçıları nadir hallarda motorsporta maraq göstərirlər. Mənbələr hesab edir ki, BYD-nin əhəmiyyətli xərcləri Formula 1-də iştirak etmək üçün maneə ola bilər — yarış avtomobilinin hazırlanması və yarışması mövsümdə 500 milyon dollara qədər başa gəlir və təşkilatçılarla danışıqlar vaxt aparır. Bununla belə, son illərdə Formula 1-in Çində artan populyarlığı müsbət amil ola bilər.
Elvin
Ölkə.az
