Azərbaycanda keçiriləcək “FİFA Series – 2026”nın oyunlarına biletlər satışa çıxarılıb.
QOL.az xəbər verir ki, bu haqda AFFA-nın saytı məlumat yayıb.
Azərbaycan, Oman, Syerra Leone və Sent Lüsiya millilərinin iştirakı ilə keçiriləcək turnirin martın 27-də baş tutacaq ilk matçlarına bilet satışı https://iticket.az/ vasitəsi ilə həyata keçirilir.
Sayt vasitəsilə həm "Dalğa Arena"da keçiriləcək Oman – Syerra Leone (15:00) görüşünə, həm də Mehdi Hüseynzadə adına Sumqayıt şəhər stadionunda təşkil olunacaq Azərbaycan – Sent Lüsiya (19:00) oyununa bilet almaq mümkündür.
