BAKI, 11 mart. TELEQRAF
Fransa Prezidenti Emmanuel Makron İranın Hörmüz boğazında dəniz minaları yerləşdirdiyinə dair heç bir sübutun olmadığını, lakin gəmiçilik yolunun faktiki olaraq bağlandığını qeyd edib.
Teleqraf xəbər verir ki, Makron bu barədə G7 liderləri ilə video zəngdən sonra bildirib.
O əlavə edib ki, ABŞ və İsrailin İslam Respublikasına qarşı hücumları İranın hərbi imkanlarını zəiflədib, lakin sıfıra endirməyib.
"İranın ballistik imkanları baxımından hərbi potensialı artıq ciddi şəkildə zədələnib, lakin ölkə regiondakı bir neçə dövlətə hücum etməyə davam edir, ona görə də onun imkanları ləğv edilməyib" - Makron deyib.
