"Milan" Moise Kini transfer etmək istəyir.
Sportal.az "La Gazzetta dello Sport"a istinadən xəbər verir ki, “rossoneri” bu tip hücumçuya ehtiyac duyur və "Fiorentina"nın futbolçusunun hansı məbləğə alınmasının mümkün olduğunu öyrənmək niyyətindədir.
İyulun ilk 15 günü ərzində Kinin müqaviləsində 62 milyon avroluq sərbəstqalma bəndi qüvvədə olacaq. Lakin futbolçunun çox uğurlu keçməyən mövsümündən sonra (Serie Ada 24 oyunda 8 qol) bu bəndin böyük əhəmiyyət daşımadığı bildirilir. Milan klubu yaxın həftələrdə mümkün endirimin nə qədər ola biləcəyini öyrənmək üçün danışıqlar aparmağı planlaşdırır.
Moise Kin ildə 4,5 milyon avro qazanır və "Milan"ın baş məşqçisi Massimiliano Alleqri ilə "Yuventus"da birlikdə çalışdığı üçün ona yaxşı tanışdır.
Bundan başqa, “qırmızı-qaralar” alternativ variant kimi Serhou Guirassini də nəzərdən keçirirlər. O, hazırda Borussia Dortmundda çıxış edir. Klub həmçinin Duşan Vlahoviçlə də maraqlanır, lakin serbiyalı hücumçu "Yuventus" ilə müqavilənin uzadılması barədə danışıqları bərpa edib.
saytlarin hazirlanmasi
