“ABŞ və İsrail müqəddəs Ramazan ayında İrana xain hücum etməklə bütün İslam dünyasını parçalamağa çalışdılar”.
Yeniavaz.com TASS agentliyinə istinadla xəbər verir ki, bunu Çeçenistan lideri Ramzan Kadırov özünün “Telegram” kanalında bildirib.
Onun sözlərinə görə, ABŞ və İsrail İranı qəsdən üçüncü ölkələri münaqişəyə cəlb edəcək cavab tədbirləri görməyə təhrik ediblər.
Kadırov İranın Amerika bazalarına qarşı qisas hücumunu gözlənilən adlandırsa da, üçüncü ölkələrdə mülki infrastrukturlara hücumları və mülki insanlar arasında itkiləri qəbuledilməz adlandırıb.
“Bu cür səhvlər qəbuledilməzdir, amma baş verdi. Bəhreyn Krallığı və BƏƏ də daxil olmaqla, Yaxın Şərq vətəndaşları bundan əziyyət çəkdilər”, - Çeçenistan rəhbəri əlavə edib.
Kadırov “müharibə vəziyyəti” elan edən BƏƏ Prezidenti Məhəmməd bin Zayed Əl Nəhyanın mövqeyini və İranın Əmirliklərə hücumlarından sonra ölkə vətəndaşlarını qorumaq zərurətini dəstəkləyib.
“BƏƏ tarixən qonşularına qarşı heç bir hərbi iddiaya malik deyildi, lakin əhalini qorumaq üçün tədbirlər görməyə məcbur oldu”, - Çeçenistan lideri qeyd edib.
O, Yaxın Şərq dövlətlərinin xarici qüvvələrə müqavimət göstərmək üçün dialoq qabiliyyətini qoruyub saxlamasının vacib olduğunu bildirib.
