Demokrat.az saytından verilən məlumata görə, ain.az xəbər verir.
Dünyada hər il yüz minlərlə insanda sidik kisəsi xərçəngi aşkarlanır. Xəstəliyin ən təhlükəli tərəflərindən biri isə ilkin mərhələdə demək olar ki, ciddi simptomlar verməməsidir.Demokrat.az xəbər verir ki, Ümumdünya Səhiyyə Təşkilatının statistikasına görə, hər il dünyada yarım milyondan çox insanda Sidik kisəsi xərçəngi diaqnozu qoyulur. Bu barədə danışan onkouroloq Aleksandr Sısoyev bildirib ki, xəstəliyin başlanğıc mərhələsində yaranan zəif simptomlar çox vaxt əhəmiyyətsiz hesab edilir və bu səbəbdən insanlar həkimə gec müraciət edirlər.Həkimin sözlərinə görə, xəstəliyin ən çox rast gəlinən əlamətlərindən biri sidikdə qanın görünməsidir. Sidiyin qırmızı və ya qəhvəyi rəng alması şişin böyüməsi nəticəsində yaranan qanaxmadan xəbər verə bilər. Bir çox insan bunu Sistit və ya Böyrək daşı ilə səhv salır. Lakin mənşəyi bilinməyən hər hansı qan izi ciddi siqnal sayılır.Digər əlamətlərdən biri tez-tez və ağrılı sidik ifrazıdır. Bəzi hallarda insanlar tualetdən sonra belə sidik kisəsinin tam boşalmadığını hiss edir. Bu vəziyyətdə bir çox pasiyent həkimə müraciət etmək əvəzinə özbaşına müalicəyə başlayır ki, bu da vaxt itkisinə səbəb olur.Həkim qeyd edir ki, xəstəliyin digər əlamətləri arasında bel nahiyəsində yaranan ağrılar da var. Şiş sidik kisəsinin divarlarına təsir etdikdə və sidik axarlarının fəaliyyətini pozduqda belə ağrılar meydana çıxır. Əgər bu əlamətlərlə yanaşı sürətli çəki itkisi və daimi yorğunluq müşahidə olunursa, risk daha da artır.Həkim xüsusilə 45–50 yaşdan yuxarı şəxslərə mütəmadi tibbi müayinədən keçməyi tövsiyə edir. Siqaret çəkənlər və kimyəvi maddələrlə işləyən insanlar isə risk qrupuna daxil olduqları üçün daha diqqətli olmalıdırlar. Vaxtında qoyulan diaqnoz müalicənin effektivliyini artırır və həyat xilas edə bilər.Aytən
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
