Azərbaycanın qadınlardan ibarət 3x3 basketbol millisi FIBA 3x3 Çempionlar Kubokunda növbəti oyununa çıxıb.
90deqiqe.Az xəbər verir ki, Banqkokda keçirilən turnirin B qrupunda yer alan yığma ev sahibi Tailandın qadınlardan ibarət 3x3 basketbol millisi ilə üz-üzə gəlib.
Görüş Azərbaycan komandasının inamlı qələbəsi ilə başa çatıb. Millimiz rəqibini 21:8 hesabı ilə məğlub edib.
Qeyd edək ki, yığma turnirdə ilk oyununda Kanadanın qadınlardan ibarət 3x3 basketbol millisinə 10:16 hesabı ilə uduzub.
Azərbaycan millisi qrup mərhələsində son oyununu martın 14-də İspaniyanın qadınlardan ibarət 3x3 basketbol millisinə qarşı keçirəcək.
Xatırladaq ki, turnirin qalibi Olimpiya Təsnifat Turnirinə vəsiqə qazanacaq.
