Ötən gecə rəqib meydanda Türkiyə cempionatının sonuncu pilləsində qərarlaşan "Karagümrükspor"a məğlub olan "Fənərbaxça" baş məşqçi Domeniko Tedesko ilə yollarını ayırır. Metbuat.az xəbər verir ki, bu iddia ilə "Sözcü" qəzeti çıxış edib. KİV hazırda "Fənərbaxça" prezidenti Sadettin Saranla Tedesko arasında görüş keçirildiyini yazıb. Bu görüşdən sonra sonra Domeniko Tedeskonun "Fənərbaxça"nın baş məşqçisi postundan uzaqlaşdırıldığına dair açıqlama veriləcəyi bildirilib. "Sözcü" Fənərbaxça"nın yeni baş məşqçisinin kimliyinin bəlli olduğunu vurğulayıb. Qəzet Türkiyənin tanınmış mütəxəssisi İsmail Kartalın "Fənərbaxça"nın sükanı arxasına keçəcəyini yazıb.
