BAKI, 16 mart. TELEQRAF
İranın elit hərbi qurumu olan SEPAH-ın nümayəndəsi bildirib ki, ABŞ hazırda İranla müharibəni necə dayandırmaq barədə yollar axtarır.
Teleqraf xəbər verir ki, bu barədə İran İslam İnqilabı Keşikçiləri Korpusunun (SEPAH) rəsmi nümayəndəsi, general-mayor Əli Məhəmməd Naini açıqlama verib.
Onun sözlərinə görə, münaqişənin başlanmasından 15 gün sonra qarşı tərəf çaşqın vəziyyətdədir və ABŞ siyasi elitası daxilində aydın planın olmaması ilə bağlı ittihamlar səslənir.
Naini bildirib ki, ABŞ hazırda İranla qarşılıqlı fəaliyyət quraraq müharibəni başa çatdırmağın yollarını düşünür və faktiki olaraq məğlubiyyətini etiraf edir.
