ain.az xəbər verir, Reyting.az saytına əsaslanaraq.
İranın yeni Ali Lideri Müctəba Xamnəi Rusiya hərbi təyyarələri ilə gizli əməliyyat çərçivəsində Moskvaya aparılıb.
Reyting.az xəbər verir ki, bu barədə “Əl-Cəridə” Xamnəiyə yaxın yüksək vəzifəli mənbəyə istinadla məlumat yayıb.
Küveyt nəşrinin təhlilində qeyd olunur:
Mənbənin sözlərinə görə, bu, onun sağlamlıq vəziyyəti və İrandakı mürəkkəb təhlükəsizliklə bağlı olub. Rusiyaya çatdıqdan sonra o, uğurla əməliyyat olunub və hazırda prezident saraylarından birində yerləşən xəstəxanada müalicə alır.
Etibarlı mənbənin sözlərinə görə, Xamnəi 28 fevralda ABŞ və İsrailin İrana "ilkin hava hücumları" zamanı yaralanıb və onun müalicəsi üçün yüksək təchizatlı xəstəxana, yaxından tibbi müşahidə və xüsusi nəzarət tələb olunub - İranda davam edən intensiv bombardman və təhdidlər səbəbindən bunu təmin etmək qeyri-mümkündür.
İran rəsmisi həmçinin bildirib ki, İran təhlükəsizlik xidmətləri Xamnəinin harada olduğunu onu müalicə edə biləcək həkimlər və mütəxəssisləri izləməklə aşkarlanacağından qorxaraq onu Rusiyaya göndərmək qərarına gəliblər.
Rusiya prezidenti Vladimir Putin özü iranlı həmkarı Məsud Pezeşkianla telefon danışığında Rusiyada müalicə təklif edib və İran rəsmiləri ilə müzakirələrdən sonra təklif təsdiqlənib. Xamnəi cümə axşamı köçürülüb və iranlı mütəxəssislərin müşayiəti ilə rus həkimləri tərəfindən müalicə olunur.
İranın islahatçı qanadına yaxın başqa bir mənbə bildirib ki, Xamnəiyə aid edilən ilk müraciət Ali Milli Təhlükəsizlik Şurasının katibi Əli Laricani tərəfindən yazılmışdır və onun əvvəlki açıqlamaları ilə üst-üstə düşür, bu da Xamnəinin özünün əsl müəllif olduğuna dair şübhələr yaradır.
Bu mənbəyə görə, Xamnəi hətta çıxışının mətnini belə görməyib və onun ictimaiyyət qarşısında olmaması və səs yazısının olmaması bu şübhələri daha da gücləndirir.
İsrail baş naziri Benyamin Netanyahunun Xamnəinin səhhəti ilə bağlı suala "Mən ona həyat zəmanəti verməyəcəyəm",- cavabını da sitat gətirir ki, bu da İsrail kəşfiyyatının onun vəziyyəti ilə bağlı öz məlumatlarına sahib olduğuna işarə kimi qəbul edilib.
Y. QACAR
Daha ətraflı məlumat və yeniliklər üçün ain.az saytını izləyin.
