Avropa diplomatiyasının keçmiş rəhbəri Josep Borrell bildirib ki, Avropa Komissiyasının sədri Ursula von der Leyen Avropa İttifaqının xarici siyasətində sistemli şəkildə öz səlahiyyətlərini aşır.
“İki sahil” xəbər verir ki, bu barədə "Politico" nəşri məlumat yayıb.
Siyasətçinin fikrincə, Aİ ABŞ-ın Iran ərazisinə endirdiyi hərbi zərbələrdən sonra beynəlxalq hüquq normalarını qorumaq üçün kifayət qədər səy göstərməyib. Borrelin sözlərinə görə, Avropa Komissiyasının rəhbərliyi eyni zamanda öz təsirini artırır.
“Bu müharibə beynəlxalq hüquq baxımından qanunsuzdur. Biz isə bunun nəticələrindən - enerji daşıyıcılarının qiymətlərinin artmasından əziyyət çəkirik”, - deyə diplomatın sözlərini jurnalistlər sitat gətiriblər.
Borrell vurğulayıb ki, mövcud vəziyyət yalnız ABŞ üçün sərfəlidir, çünki bu ölkə böyük neft ixracatçılarından biridir.
