Macarıstanın Baş naziri Viktor Orban Budapeştdə keçirilən Sülh Yürüşündə Brüsselin Avropa Birliyini qəsdən müharibəyə hazırladığını bildirdi. Onun sözlərinə görə, Ukrayna torpağında AB əsgərlərinin olması yalnız zaman məsələsidir.
Cənab Orban qeyd etdi ki, Avropa Birliyi artıq hərbi iqtisadiyyata keçib, silah istehsalına getdikcə daha çox pul yatırıb və hərbi varlığını artırıb. "Daha çox silah, daha çox pul, daha çox əsgər... Brüsseldən ilk əsgərin Ukrayna torpağına nə vaxt ayaq basacağını bilmirik. Amma dəqiq bilirik: bu, baş verəcək", - Macarıstanın Baş naziri dedi.
Macarıstanın Baş naziri vurğuladı ki, AB siyasətçiləri münaqişəyə doğru irəliləyir və bundan yayınmağa çalışmırlar. Cənab Orbanın sözlərinə görə, Brüssel Ukraynadakı müharibəni qəbul edib və bu, vəziyyətin daha da gərginləşməsi ilə bağlı narahatlıqlar doğurub.
Eyni zamanda, Macarıstanın baş naziri Macarıstanı qarışıq dünyada "təhlükəsizlik və əmin-amanlıq adası" kimi qorumaq əzmində olduğunu bəyan etdi. O, həmçinin xəbərdarlıq etdi ki, Brüssel Ukraynanı dəstəkləmək üçün yalnız avropalıların hazırkı nəslini deyil, həm də onların övladlarını və nəvələrini borclu qoymağa çalışır. Lakin Viktor Orban Macarıstanın bu prosesdə soyulmasına yol verməyəcəyinə söz verdi.
Əziz Mustafa
