Demokrat.az saytından alınan məlumatlara görə, ain.az xəbər verir.
Tez-tez nəyisə unutduğunu deyənlər üçün təbiətin maraqlı bir həlli diqqət çəkir. Araşdırmalar göstərir ki, bəzi bitkilərin qoxusu belə beyin fəaliyyətinə təsir göstərə və yaddaşı gücləndirə bilər. Xüsusilə də rozmarinin qoxusu ilə bağlı nəticələr alimlərin diqqətini cəlb edib.Demokrat.az-ın məlumatına görə Böyük Britaniyada fəaliyyət göstərən Northumbria University tədqiqatçıları tərəfindən aparılan eksperimentlərdə rozmarin yağının qoxusunun yaddaşa təsiri araşdırılıb. Təcrübə zamanı bir qrup iştirakçıya rozmarin qoxusu olan mühitdə yaddaş testləri verilib, digər qrup isə qoxusuz otaqda eyni tapşırıqları yerinə yetirib. Nəticələr göstərib ki, rozmarin qoxusu olan mühitdə olan iştirakçılar testlərdə xeyli daha yüksək nəticə göstəriblər. Araşdırma müəllifləri bunu bitkinin tərkibində olan 1,8-sineol adlı maddə ilə əlaqələndirirlər. Bildirilir ki, bu maddə qoxu yolu ilə orqanizmə daxil olaraq beynin yaddaşla bağlı mexanizmlərinə təsir göstərə bilər.Rozmarinin təsiri təkcə yaddaşla məhdudlaşmır. Tədqiqatlar göstərir ki, bu qoxu diqqətin cəmlənməsinə və zehni fəaliyyətin sürətlənməsinə də kömək edə bilər. Buna görə də xüsusilə gərgin dərs və ya iş rejimində olan insanlar üçün bu bitkinin qoxusu müəyyən dərəcədə faydalı hesab olunur. Ekspertlər qeyd edir ki, süni ətirlərdən daha çox bitkinin təbii formasından istifadə etmək daha məqsədəuyğun sayılır.Rozmarinin yaddaşla əlaqələndirilməsi yeni fikir deyil. Tarixi mənbələrdə göstərilir ki, qədim Yunanıstanda tələbələr imtahanlar zamanı zehinlərini ayıq saxlamaq üçün başlarına rozmarin budaqlarından hazırlanmış çələnglər taxırdılar. Bu ənənə ədəbiyyata da düşüb. William Shakespeare-in məşhur Hamlet əsərində “Budur rozmarin, xatırlamaq üçün” ifadəsi həmin inancın izlərindən sayılır.Bu bitkidən istifadə etmək üçün mürəkkəb üsullara ehtiyac yoxdur. Təzə rozmarin budağını qoxlamaq və ya bir neçə damcı təbii rozmarin yağını salfetə damladıb qoxusunu hiss etmək kifayət edir. Bəzi insanlar iş masasının üzərində rozmarin saxlamağın gün ərzində diqqəti toplamağa kömək etdiyini də deyir.Tam təbii olan bu üsul gündəlik həyatda rast gəlinən unutqanlıq probleminə qarşı sadə vasitələrdən biri kimi göstərilir. Bununla belə, alimlər xatırladır ki, yaddaş problemləri davamlı olarsa, mütləq həkimlə məsləhətləşmək vacibdir.İsmayıl
Demokrat.az
Ən son xəbərləri və yenilikləri almaq üçün ain.az saytını izləyin.
