ain.az, Medicina saytından verilən məlumata əsaslanaraq xəbər yayır.
Göz makiyajı baxışlarımızı gözəlləşdirməyin yollarından biridir. Lakin bu zövqün arxasında göz sağlamlığımızı təhdid edən bir risk gizlənir.
Medicina.az xəbər verir ki, göz sağlamlığından danışanda adətən müntəzəm müayinələr, gigiyena və qidalanma ağla gəlir. Lakin mütəxəssislərin son zamanlar diqqət çəkdiyi başqa bir təhlükə də var: Demodex parazitləri.
Xüsusilə makiyaj həvəskarları üçün böyük risk yaradan bu mikroskopik canlılar göz ətrafında ciddi problemlər yaradır. Oftalmologiya mütəxəssisləri bu mövzuda mühüm açıqlamalar veriblər.
DEMODEX PARAZİTİ NƏDİR?
Demodex parazitləri insan dərisində, xüsusən də saç follikulları və piy vəziləri ətrafında yaşayan mikroskopik canlılardır. İki əsas növ, Demodex folliculorum və Demodex brevis, adətən zərərsiz hesab olunur. Lakin mütəxəssislərin fikrincə, bu parazitlərin həddindən artıq çoxalması "Demodekoz" adlanan bir vəziyyətə səbəb ola bilər.
Demodekozun simptomlarına qaşınma, qızartı, göz ətrafında yanma hissi və hətta kirpik tökülməsi daxildir. Mütəxəssislər bildirirlər ki, az sayda Demodex gənəsi normalda problem yaratmır, lakin həddindən artıq çoxaldıqda göz sağlamlığını ciddi şəkildə təhdid edə bilər.
Göz makiyajı, xüsusən də müntəzəm və çox istifadə edildikdə, Demodex parazitlərinin çoxalması üçün ideal bir mühit yarada bilər. Mütəxəssislər aşağıdakı məqamlara diqqət çəkirlər:
Göz ətrafında qalan makiyaj qalıqları, xüsusən də tuş qalığı, Demodex parazitləri üçün əla qida mənbəyi təmin edir.
Yatmazdan əvvəl makiyajı tamamilə təmizləməmək parazitlər üçün çoxalma zəmin yaradır. Tuş və göz layneri kimi məhsulların paylaşılması parazitlərin yayılmasına səbəb ola bilər.
TÖVSİYƏLƏR
Mütəxəssislər Demodex parazitlərindən qorunmaq üçün aşağıdakıları tövsiyə edirlər:
Hər gecə makiyajınızı təmizləyin.
Çay ağacı yağı tərkibli təmizləyicilər Demodex parazitlərinə qarşı təsirlidir.
Makiyaj fırçalarınızı və aplikatorlarınızı müntəzəm olaraq təmizləyin.
Tövsiyə olunan müddət ərzində makiyaj məhsullarından istifadə edin və köhnə məhsulları atın.
Demodekozun hər hansı bir əlamətini görsəniz, dərhal oftalmoloqa müraciət edin.
Aygün
Medicina.az
Hadisənin gedişatını izləmək üçün ain.az saytında ən son yeniliklərə baxın.
