“Astara” dövlət sərhədindən buraxılış məntəqəsi vasitəsilə İrandan xarici vətəndaşların təxliyəsi davam edir.
AZƏRTAC-ın bölgə müxbiri xəbər verir ki, saat 10-dan 12-dək 9 Çin və 6 Hindistan vətəndaşı təxliyə olunub.
Qeyd edək ki, bu gün saat 00:00-dan 10:00-dək 1 Azərbaycan vətəndaşı və Norveçin 3 diplomatik nümayəndəsi də sərhədi keçərək Azərbaycan ərazisinə daxil olub.
Təxliyə olunan vətəndaşlar müvafiq sənəd yoxlanışı və digər prosedurların yerinə yetirilməsindən sonra aidiyyəti qurumların nəzarəti altında sərhəd-keçid məntəqəsindən buraxılıblar.
Hazırda “Astara” dövlət sərhədindən buraxılış məntəqəsində təxliyə prosesi aidiyyəti qurumların nəzarəti altında davam etdirilir.
