Əliyar Ağayev “Kristal Pelas”ın oyununa təyinat aldı

Azərbaycanlı FIFA referisi Əliyar Ağayev futbol üzrə Avropa Konfrans Liqasının 1/8 final mərhələsinin oyununa təyinat alıb.

Arena.az bu barədə AFFA-nın rəsmi saytına istinadən xəbər verir.

Xəbərdə bildirilir ki, Əliyar Ağayev Avropa Konfrans Liqasının 2025/2026-cı illər mövsümünün 1/8 final mərhələsinin AEK (Larnaka, Kipr) – “Kristal Pelas” (İngiltərə) matçının baş hakimi olacaq.

Ona yan xətt hakimləri Zeynal Zeynalovla Akif Əmirəli kömək edəcəklər. Dördüncü hakim funksiyasını Elçin Məsiyev yerinə yetirəcək. Niderlandlı Jeroen Manşot VAR, digər həmyerlimiz Nicat İsmayıllı AVAR kimi fəaliyyət göstərəcək.

Xatırladaq ki, bu komandalar arasındakı cavabab qarşılaşması martın 19-da Larnaka şəhərindəki “AEK Arena”da təşkil ediləcək. İngiltərədə baş tutmuş ilk görüşdə hesab açılmayıb – 0:0.