Ukrayna mövcud sistemlərin qeyri-kafi olduğunu bildirərək, yerli hava hücumundan müdafiə (HHM) sistemi istehsalının ölkənin "birinci prioriteti" olduğunu bəyan edib.
"Cebheinfo.az" xəbər verir ki, bu barədə Ukrayna Prezidenti Volodimir Zelenski bildirib.
Ölkə Rusiyanın strateji infrastruktur və şəhər mərkəzlərini hədəf alan intensiv raket və PUA hücumlarına qarşı ölkəsinin müdafiə qalxanını gücləndirmək məqsədilə yerli HHM sistemi həmləsinə başlayıb.
Xatırladaq ki, 14 martda mövzu ilə bağlı mühüm açıqlamalar verən Zelenski, Ukraynanın hava məkanını qorumaq üçün tək bir seçimə bağlı qalmayacaqlarını, Qərb sistemlərinin lisenziyalı istehsalı ilə tamamilə yerli layihələrin eyni vaxtda icra ediləcəyini elan etmişdi.
ABŞ-nin "Patriot" və ya avropalı tərəfdaşların fərqli sistemləri üçün istehsal lisenziyası almaq səylərinin davam etdiyini qeyd edən Ukrayna lideri, yerli sistemlərin bu prosesdən daha əvvəl hazır olma ehtimalını da masada saxlayaraq heç bir alternativdən imtina etməyəcəklərini vurğulayıb.
Müdafiə naziri Mixailo Fedorovun rəhbərliyi ilə həyata keçirilən bu strateji proses ordu komandanlığı, müdafiə sənayesi komponentləri və özəl texnologiya sektoru arasındakı koordinasiya ilə reallaşdırılır.
Fedorovun yerli texnologiya şirkətləri ilə keçirdiyi görüşlərdən sonra hazırlanan hesabat istiqamətində hava hücumundan müdafiə və raket hazırlama sahələrində konkret addımların atılması gözlənilir.
Hazırda Qərb mənşəli "Patriot" və NASAMS kimi sistemlərlə qorunan Ukraynada rəsmilər arsenalın kritik infrastrukturu tam qorumaq üçün yetərsiz qaldığına diqqət çəkirlər.
Yerli istehsalın həm radar sistemləri, həm də önləyici raketlər baxımından xaricdən asılılığı azaldacağı proqnozlaşdırılır.
