İsrail Hərbi Hava Qüvvələrinin İranın paytaxtı Tehrana endirdiyi hava zəbərləri nəticəsində hərbiləşdirilmiş “Bəsic” bölməsinin komandiri general Qulamrza Süleymani öldürülüb.
“Yeni Sabah” xəbər verir ki, bu barədə İsrail Müdafiə Ordusu məlumat yayıb.
Qeyd olunub ki, bu məlumat dəqiq kəşfiyyat məlumatlarına əsaslanır:
“Hərbi Hava Qüvvələri martın 16-da Tehranın mərkəzinə məqsədyönlü zərbə endirərək son altı il ərzində “Bəsic” bölməsinin komandiri olan Qulamrza Süleymanini öldürüb”.
Məlumata görə, “Bəsic” bölməsi daxili etirazların yatırılmasında, o cümlədən kütləvi həbslərin həyata keçirilməsində və nümayişçilərə qarşı güc tətbiqində əsas rol oynayıb.
İsrail Müdafiə Ordusu iranlı komandirlərinə qarşı əməliyyatlara qətiyyətlə davam edəcəyini açıqlayıb.
Qeyd edək ki, Q.Süleymani son altı ildə “Bəsic” bölməsinə rəhbərlik edib.
Telegram kanalımız
