Bütün Gürcüstanın Katolikos-Patriarxı II İliyanın dəfn mərasimində Azərbaycandan kimlərin iştirak edəcəyi məlum olub.
“Yeni Sabah”ın əldə etdiyi xəbərə görə, Qafqaz Müsəlmanları İdarəsinin sədri, şeyxülislam Hacı Allahşükür Paşazadənin rəhbərlik etdiyi dini nümayəndə heyətinin mərasimdə iştirakı dəqiqləşib.
Bununla yanaşı, vida mərasiminə Azərbaycan parlamenti və hökumətini təmsil edəcək nümayəndə heyətlərinin qatılacağı da gözlənilir. Mənbə bildirib ki, böyük ehtimalla Milli Məclisin sədri Sahibə Qafarova və Baş nazirin müavini Samir Şərifov da mərasimdə iştirak üçün Gürcüstana səfər edəcəklər.
Qeyd edək ki, II İliya 17 mart tarixində 93 yaşında vəfat edib. Mərhum martın 22-də Sioni Kafedralında dəfn olunacaq.
Əsmətxanım Rzazadə
Telegram kanalımız
