Yaxın Şərqdə gərginlik artdıqca, dünyanın ən böyük qaz yataqlarından biri olan İrandakı Cənubi Pars təbii qaz yatağına edilən hücum müharibənin gedişatını dəyişdirdi.
Turkustan.az xəbər verir ki, ABŞ və İsrailin hədəf aldığı deyilən Cənubi Pars təbii qaz yatağındakı bəzi neft emalı zavodlarına zərbə endirildiyi bildirilib. Pilotsuz uçuş aparatları tərəfindən həyata keçirildiyi bildirilən hücumlar təbii qaz yatağının 3-cü və 6-cı fazalarını hədəf alıb.
Fars körfəzində yerləşən və İranla Qətər arasında paylaşılan Cənubi Pars təbii qaz yatağı dünyanın ən böyük təbii qaz ehtiyatlarından biri kimi seçilir və hər iki ölkənin enerji iqtisadiyyatında mühüm rol oynayır.
Hücumdan sonra ABŞ Prezidenti Donald Tramp məsələ ilə bağlı diqqətəlayiq açıqlamalar verdi. Tramp ABŞ-ın İsrail hücumunda iştirak etmədiyini vurğulayaraq bunları bildirdi:
"Yaxın Şərqdəki hadisələrdən qəzəblənən İsrail, İranda Cənubi Pars Qaz Yatağı kimi tanınan böyük bir obyektə şiddətli hücum etdi. Bütün yatağın yalnız nisbətən kiçik bir hissəsinə zərbə endirildi. ABŞ bu hücumdan xəbərsiz idi."
Aytən Yaşar/ Turkustan.az
