İsmayıllıda AĞIR QƏZA – Ölən və yaralılar var – FOTO

İsmayıllıda ağır yol-nəqliyyat hadisəsi baş verib.

Bizim.Media-nın Aran bürosu xəbər verir ki, hadisə İsmayıllı-Qəbələ yolunda qeydə alınıb.

Belə ki, Hyundai və VAZ 21099 markalı minik avtomobillərinin toqquşması nəticəsində VAZ-ın sürücüsü 35 yaşlı Ayaz Mirzəyev aldığı ağır xəsarətlərdən dünyasını dəyişib.

Avtomobillərdə olan digər 4 nəfərin isə müxtəlif dərəcəli bədən xəsarətləri aldığı bildirilir. 

Hadisə yerinə DİN-nin Dövlət Yol Polisi Bölməsinin əməkdaşları cəlb olunub. Yaralılar dərhal təcili tibbi yardım maşınının köməyi ilə İsmayıllı rayon Mərkəzi Xəstəxanasına aparılıb və həkim nəzarətinə götürülüb.

DİN-nin mətbuat xidmətinin Şəki Regional Qrupundan bildirilib ki, faktla bağlı cinayət işi açılıb və araşdırmalar davam etdirilir.





Bizim.Media, Aran bürosu