ain.az, Gununsesi portalına istinadən məlumatı açıqlayır.
Türkiyənin Antalya vilayətində səhər saatlarında baş verən dəhşətli yanğın 6 nəfərin həyatına son qoyub.
Gununsesi.info “Anadolu” agentliyinə istinadən xəbər verir ki, hadisə Kepez rayonunun Qaziler məhəlləsində, istixana təsərrüfatında çalışan əcnəbi işçilərin qaldığı konteynerlərdə baş verib.
Yanğın nəticəsində eyni ailədən olan 26 yaşlı ana və onun yaşları 4-9 arasında dəyişən 5 uşağı həlak olub. Məlumata görə, həlak olan ana 7 aylıq hamilə imiş.
Qeyd olunub ki, faciə zamanı daha 5 nəfər tüstüdən zəhərlənərək xəstəxanaya çatdırılıb. Onlardan birinin vəziyyəti ağır olaraq qalır, digərlərinin müalicəsi davam etdirilir. İlkin ehtimala görə, yanğına söndürülməmiş manqal səbəb ola bilər.
Faktla bağlı açılan cinayət işi çərçivəsində artıq 3 nəfər saxlanılıb.
Gununsesi.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
