ABŞ Prezidenti Donald Trampın administrasiyası İrana təzyiqi artırmaq və Tehranın Hörmüz boğazının fəaliyyətini bərpa etməsinə nail olmaq üçün Xark adası üzərində nəzarətin qurulması və ya onun blokadaya alınması daxil olmaqla mümkün ssenariləri nəzərdən keçirir.
NOCOMMENT.az xəbər verir ki, “Axios” nəşrinin məlumatına görə, Hörmüz boğazı vasitəsilə gəmiçilik üzərində İranın nəzarəti zəiflədilməyənə qədər Tramp münaqişəni — ən azı öz şərtləri daxilində — başa çatdıra bilməyəcək. Sahildən təxminən 15 mil məsafədə yerləşən və İranın neft ixracının 90%-ni təmin edən Xark adasının zəbt edilməsi üzrə mümkün əməliyyat Amerika hərbçiləri üçün birbaşa risklər yarada bilər.
Ağ Evdəki müzakirələrin gedişatı ilə tanış olan mənbə bildirib: “İranlıları zərbələrlə daha da zəiflətmək, adanı ələ keçirmək, sonra isə onların boğazından yapışaraq bundan danışıqlarda istifadə etmək üçün bizə təxminən bir ay vaxt lazımdır”.
Nəşrin üç mənbəsi adanın quru qoşunları tərəfindən işğalı imkanının ciddi şəkildə nəzərdən keçirildiyini təsdiqləyib. Digər bir ssenari isə dəniz blokadasının tətbiqini və tankerlərin adaya buraxılmamasını nəzərdə tutur. Müsahiblərdən biri dəqiqləşdirib ki, mümkün hərəkətlərin hüquqi əsaslarının qiymətləndirilməsinə artıq Pentaqonun hüquqşünasları cəlb olunub.
Sara,
NOCOMMENT.az
