İranın Berlindəki səfiri Məcid Nili Əhmədabadi bəyan edib ki, Hörmüz boğazı təcavüzkar ölkələrə məxsus olmayan bütün gəmilər üçün açıqdır.
Xalqcebhesi.az xəbər verir ki, bu barədə, o, "Berliner Zeitung" qəzetinə verdiyi müsahibədə belə deyib:
"Hörmüz boğazı təcavüzkar olmayan bütün tərəflər üçün açıq olub və açıq qalır".
Diplomatın sözlərinə görə, "əgər müharibə gedirsə, bunun iqtisadi nəticələri olur".
"Biz bunu istəmirik. Əgər bizim iqtisadi və siyasi vəziyyətimizin və ya sabitliyimizin xeyrinə olacaq uzunmüddətli atəşkəs mümkündürsə, biz bunu dəstəkləyəcəyik", — deyə səfir qeyd edib.
Məryəm Quliyeva
