Bizimyol saytından alınan məlumata görə, ain.az bildirir.
Amerikalılar Xark adasına hərbi qüvvə çıxarma əməliyyatı riskini gözə ala bilərlər, lakin onu böyük itkilər olmadan əldə saxlamaq mümkün olmayacaq.
Bizimyol.info xəbər verir ki, bu fikri mətbuata hərbi müxbir Aleksandr Xarçenko bildirib.
Onun sözlərinə görə, mövcud vəziyyətdə ABŞ belə bir addım atmağı nəzərdən keçirə bilər: “Düşünürəm ki, amerikalılar Xark adasına çıxarma etməyə risk edə bilərlər. Çünki onlar qüvvə və vasitələrini cəmləşdirirlər, hərbçilər belə bir ssenarini işləyir və təbii ki, siyasi qərar gözləyirlər. Hərbi baxımdan Xark adasına çıxarma tam mümkündür, yəni ciddi çətinliklər yoxdur. Amma əsas sual bundan sonra nə edəcəkləridir”, - deyə o qeyd edib.
Xarçenko vurğulayıb ki, adanı əldə saxlamaq asan olmayacaq, çünki o, İran sahillərinə təxminən 40 kilometr məsafədə yerləşir.
O əlavə edib ki, İran belə bir zərbə ilə barışmayacaq və pilotsuz uçuş aparatları, eləcə də ballistik raketlərlə aktiv şəkildə zərbələr vuracaq: “Ada kifayət qədər kiçikdir, buna görə amerikalılar orada özlərini təhlükəsiz hiss edə bilməyəcəklər. Nəticədə, şübhəsiz ki, itkilər verəcəklər”, - deyə o bildirib.
2026-cı ilin mart ayında adadakı hərbi obyektlər bombardmana məruz qalıb. ABŞ məlumatlarına görə, təxminən 90 hərbi hədəf vurulub, lakin adanın neft infrastrukturu zərər görməyib. Martın 20-də məlum olub ki, ABŞ prezidenti Donald Tramp İranı Hörmüz boğazını açmağa və danışıqlara məcbur etmək məqsədilə adanı işğal etmək imkanını nəzərdən keçirir. Tramp bildirib ki, “istəsə, adanı istənilən vaxt ələ keçirə bilər”.
Tehran isə xəbərdarlıq edib ki, Xark adasına hücum ediləcəyi təqdirdə genişmiqyaslı raket və hava zərbələri ilə cavab verəcək və ABŞ-ın bütün neft-qaz obyektlərini “külə çevirəcək”.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
