ABŞ hakimiyyəti Federal Ehtiyat Sisteminin(FED)sədri Cerom Pauellin qanunsuz hərəkətlərinə dair heç bir dəlili olmadığını etiraf edib.
Musavat.com xəbər verir ki, məlumatı "The Washington Post" mənbələrə istinadən yayıb. Nəşrin məlumatına görə, Kolumbiya Dairəsi Baş Prokurorunun müavini J.A.Massucco-Lataif martın 3-də qapalı məhkəmə iclasında prokurorların FED sədrinin fırıldaqçılığı və ya digər qanun pozuntuları ilə bağlı hər hansı bir dəlildən "hazırda xəbərdar olmadığını" bildirib. O, Pauellin 2025-ci ilin iyun ayında Senatın Bank Komitəsində verdiyi ifadə zamanı "müəyyən narahatedici məsələləri" qaldırdığını deyib.
2026-cı ilin yanvar ayında Pauell Ədliyyə Nazirliyinin onun ifadəsini tələb etdiyini və onu cinayət məsuliyyətinə cəlb etməklə hədələdiyini açıqlayıb. FED sədrinin sözlərinə görə, buna səbəb onun Federal Ehtiyat kompleksinin təmir layihəsi ilə bağlı Senatın Bank Komitəsinə verdiyi açıqlamalar olub.
Prezident Donald Tramp əvvəllər Pauellə qarşı məhkəmə iddiası qaldıra biləcəyini açıqlayıb. O, əsas kimi Ağ Evin əsassız olaraq şişirdilmiş hesab etdiyi FED-in Vaşinqton qərargahının əsaslı təmiri planlarını göstərib.
Vaşinqtondakı federal məhkəmə Ədliyyə Nazirliyinin Pauellin ifadə verməsi tələblərini əsassız hesab etmişdi. Hakim nazirliyin hərəkətlərinin "Pauellin ABŞ prezidentinə təslim olması və ya istefa verməsi üçün təqib edilməsi və təzyiq göstərilməsi" məqsədi daşıdığına qərar verib. Hakim bildirib ki, ABŞ administrasiyası "Pouell tərəfindən qanun pozuntusuna dair heç bir dəlil təqdim etməyib" və iddiaların əsas səbəbi "onun prezidenti məmnun etməməsi" olub.
TrampFederal Ehtiyat Sisteminin keçmiş üzvü Kevin Uorşu FED sədri vəzifəsinə namizəd göstərib. O, dəfələrlə Paueli tənqid edərək onu istefa verməyə çağırıb. Trampın fikrincə, Federal Ehtiyat Sistemi əsas faiz dərəcəsini davamlı olaraq aşağı salmalıdır. O iddia edir ki, FED ABŞ hökumətinin borclanma xərclərini yüksək saxlamaq üçün bunu qəsdən etməyib.
Musavat.com
