Dünən, 2026-cı il FIFA Seriyası turnirində Azərbaycan və Sent-Lusiya arasında keçirilən yoldaşlıq oyunu baş tutub.
Oxuməni.az xəbər verir ki, komandamız 6-1 hesabı ilə bu oyunda qalib gəldi. Bu, Azərbaycan milli komandasının 34 illik mövcudluğu dövründə ən böyük qələbəsidir.
Oyun Sumqayıt şəhərində “Kapital Bank Arena – Mehdi Hüseynzadə adına stadion”da baş tutdu. Oyunu Gürcüstan təmsilçisi hakim Georgiy Kruaşvili idarə edirdi.
Komandamızın yarımmüdafiəçisi Emin Mahmudov matçın ikinci dəqiqəsində penaltidən dəqiq zərbə ilə görüşün ilk qolunu vurdu. 21-ci dəqiqədə Rəhim Sadıxov komandasının üstünlüyünü ikiqat artırdı. 37-ci dəqiqədə Musa Qurbanlı Sent-Lusiyaya qarşı üçüncü qolu vurdu. 52-ci dəqiqədə qonaq hücumçu Donovan Filip penaltidən qol vuraraq hesabı azaltdı, lakin doqquz dəqiqə sonra Tural Bayramov Azərbaycanın üç qolluq üstünlüyünü bərpa etdi. Oyunun sonlarında Vüsal İsgəndərli və Rüstəm Əhmədzadə matçın yekun hesabını müəyyənləşdirdilər — 6:1.
Xatırladaq ki, əvvəlki rekord qələbələr 1999-cu ildə (Azərbaycan - Lixtenşteyn - 4:0) və 2017-ci ildə (Azərbaycan - San Marino - 5:1) qeydə alınıb.
Almaz Həsənli
