Bizimyol portalından alınan məlumata görə, ain.az xəbər verir.
Finlandiya polisi ölkə ərazisinə düşən dronlardan birini içərisində partlayıcı maddə olma ehtimalı səbəbindən nəzarətli partlayışla məhv edib.
Bizimyol.info xəbər verir ki, bu barədə ölkənin hüquq-mühafizə orqanları açıqlama yayıb.
“Martın 29-u, bazar günü, Finlandiyanın cənub-şərqində düşən iki drondan biri dünən axşam nəzarətli partlayış yolu ilə zərərsizləşdirilib. Dron, Koivola şəhərinin şimalında düşmüşdü və ilkin qiymətləndirməyə görə, içərisində partlayıcı maddələr mövcud idi”, - deyə açıqlamada qeyd edilib. Polisdən bildirilib ki, dron ehtimal ki, partlamamış hərbi başlıq daşıyırmış.
Hadisə ilə bağlı araşdırmalar davam edir.
Martın 29-da Koivola yaxınlığında iki dronun düşdüyü barədə Finlandiya Milli Müdafiə Nazirinin açıqlamasına istinadən "Yle" tele-radio şirkəti məlumat yayıb. Finlandiya Hərbi Hava Qüvvələrinin daha sonra verdiyi açıqlamaya görə, düşən dronlardan ən azı biri Ukrayna istehsalı olan "An-196" model dron kimi tanınıb.
Bizimyol.info
Ən son xəbərləri və yenilikləri almaq üçün ain.az saytını izləyin.
