Tbilisi, 30 mart, AZƏRTAC
Gürcüstanın Baş naziri İrakli Kobaxidze Türkmənistan Nazirlər Kabinetinin sədr müavini Nokerquli Ataquliyev ilə görüşüb.
AZƏRTAC Gürcüstanın hökumət administrasiyasına istinadla xəbər verir ki, görüşdə iki ölkə arasındakı münasibətlər və əməkdaşlıq perspektivləri müzakirə edilib.
Həmçinin regiondakı mövcud vəziyyət diqqət mərkəzində olub, sülh və sabitliyin bərqərar edilməsinin vacibliyi vurğulanıb.
Xətayi Əzizov
AZƏRTAC-ın xüsusi müxbiri
Tbilisi
