BƏƏ-nin Şarja Əmirliyində İranın pilotsuz uçuş aparatı (PUA) inzibati binaya çırpılıb.
Bakıvaxtı.az xəbər verir ki, bu barədə regional hökumətin mətbuat xidməti məlumat yayıb.
Qeyd edilib ki, hadisə nəticəsində "Thuraya Telecom" telekommunikasiya şirkətinin binası zərər görüb.
Bəyanata görə, Şarja Əmirliyindəki səlahiyyətli orqanlar mərkəzi bölgədəki hadisə ilə bağlı araşdırmalara başlayıb. Hadisə nəticəsində heç kim xəsarət almayıb.
