Bu gün səhər saatlarında İran tərəfindən İsrailin mərkəzi bölgələrinə növbəti raket hücumu reallaşdırılıb.
Hücumlar nəticəsində bir sıra ərazilərdə yanğınlar başlayıb.
Tələfat barədə məlumat verilməyib.
İsrail mediası ölkəyə kasetli sursat raketlərinin atıldığını bildirir.
Xatırladaq ki, 28 fevralda İsrail və ABŞ İrana qarşı əməliyyatlara start verib.
Bu hücumlara cavab olaraq İran “Əsl vəd 4” əməliyyatına başlayıb.
İranın raket və dron hücumları təkcə İsraili və ABŞ hərbi obyektlərini deyil, eyni zamanda bir sıra region ölkələrini hədəf alıb.
