Azpolitika.az saytından verilən məlumata əsasən, ain.az məlumatı açıqlayır.
ABŞ Prezidenti Donald Tramp Mayamidə inşa ediləcək yeni prezident sarayı layihəsini ictimaiyyətə təqdim edib.
O, bu barədə "Truth" platformasındakı hesabından məlumat paylaşıb.
Layihəyə əsasən, Mayami şəhərində tikiləcək kompleks qızıl örtüklü fasadı və möhtəşəm memarlıq üslubu ilə seçilir. Binanın dizaynında Ağ Evdə yerləşən Oval Ofisin qızılı elementlərlə bəzədilmiş surəti, böyük bal zalı və aviasiya qalereyası nəzərdə tutulub.
Kompleksin daxilində ziyarətçiləri dəbdəbəli, qızılı tonlarda hazırlanmış giriş qarşılayacaq. Layihədə həmçinin Oval Ofisin tam ölçüdə kopyası, yenidən qurulmuş gül bağı və iri kristal çilçıraqlarla bəzədilmiş bal zalı yer alır.
Kitabxananın birinci mərtəbəsi ABŞ prezident təyyarəsi "Air Force One" üçün nəzərdə tutulan aviasiya qalereyası kimi planlaşdırılıb. Burada ziyarətçilər eskalatorlarla yuxarı mərtəbələrə qalxarkən, mərkəzdə Donald Trampın yumruğunu havaya qaldırdığı anı əks etdirən nəhəng qızıl heykəl yerləşəcək. Bu heykəlin 2024-cü ildə Pensilvaniyada baş verən sui-qəsd cəhdindən sonra onun reaksiyasını simvolizə etdiyi bildirilir.
"AzPolitika.info"
Sonrakı hadisələr barədə daha çox məlumat almaq üçün ain.az saytını izləyin.
