Nvidia şirkəti, süni intellekt xidmətlərini daha aşağı maliyyətlə təqdim etmək məqsədilə əməkdaşlıq razılaşmasının bir hissəsi kimi "Marvell Technology" şirkətinə 2 milyard dollar investisiya yatırdığını bildirib.
MArja xəbər verir ki, süni intellekt infrastrukturlarının qurulmasına kömək edə biləcək tərəfdaşlara investisiya yatırmaqda olduğunu qeyd edən Nvidia, açıqlamasında, texnologiya platformasını Marvell-in şəbəkə imkanları ilə inteqrasiya edəcəyini bildirib. Nvidia-nın sürətləndirici çipləri daha inkişaf etmiş süni intellekt xidmətlərinin təmin edilməsi üçün bir-biri ilə əlaqələndirilir.
Hər iki şirkət yeni və daha qabaqcıl texnologiyaların tətbiqi üçün telekommunikasiya şəbəkələrinin sürətləndirilməsi istiqamətində də əməkdaşlıq edəcək.
Nvidia-nın baş icraçı direktoru Jensen Huang açıqlamasında bildirib:
“Marvell ilə birlikdə müştərilərin Nvidia-nın süni intellekt infrastrukturu ekosistemindən faydalanmasını və miqyaslana bilən xüsusi süni intellekt hesablama sistemləri qurmasını təmin edirik.”
Silikon fotonika texnologiyası məlumat ötürülməsini daha sürətli və enerji baxımından daha səmərəli edir. Bu isə ChatGPT və Claude kimi xidmətlərin təqdim edildiyi və çox böyük enerji sərf edən məlumat mərkəzlərində təkmilləşdirilməsi vacib olan əsas sahələrdən biridir.
Marvell səhmləri Nyu-Yorkda bazaröncəsi əməliyyatlarda 9% artıb. Nvidia səhmləri isə 1,4% bahalaşıb.
