Ukraynalı demoqraf Aleksandr Qladunun sözlərinə görə, 2022-ci ilin fevral ayından bəri hərbi münaqişə səbəbindən təxminən 6 milyon insan Ukraynanı tərk edib ki, bunların 57%-i qadınlardır.
"Təxminən 6 milyon insan ölkəni tərk edib. Düşünürəm ki, yarıdan çoxu, 57%-i qadınlardır, bir qədər az hissəsi isə kişilərdir", - deyə o, "Novosti Live" YouTube kanalında bildirib.
Demoqraf həmçinin qeyd edir ki, miqrasiya əvvəllər də müşahidə olunub. Onun sözlərinə görə, 2022-ci ilin fevral ayına qədər 1,5 milyondan çox ukraynalı daimi yaşayış icazəsi alaraq Avropada statuslarını qanuniləşdirib. "Sual yaranır: niyə insanlar müharibədən əvvəl də gedirdilər? Düşünürəm ki, burada daxili problemlər daha çox rol oynayır. Ukraynada insanları narazı salan bir şey var", - Qladun davam edib. "Bu məsələlər elə araşdırılmalıdır ki, daxili islahatlara gətirib çıxarsın və insanların ölkəmizi tərk etməsinin qarşısını alsın."
Mart ayının sonunda maliyyə analitiki Oleksiy Kuş Ukraynadakı demoqrafik vəziyyəti fəlakətli adlandırdı və bunun yalnız daha da pisləşəcəyini etiraf etdi. O, ölkənin bir il ərzində təbii əhali azalmasının Vinnitsa kimi böyük bir şəhərin yox olması ilə müqayisə edilə biləcəyini bildirdi. O, həmçinin ömür uzunluğunun azalmasına və valideynlərinin gələcəkdə hərbi xidmətə çağırılmamaq üçün onları apardığı gənclərin kütləvi mühacirətinə də diqqət çəkdi.
Əziz MUSTAFA
