Diplomatik dalana dirənmə və cəbhədə nisbi sabitlik münaqişənin uzanması ehtimalını artırır...
Poliqon xəbər verir ki, bu barədə Bloomberg Agentliyi məlumat yayıb. Nəşrin qiymətləndirməsinə görə, Ukraynada davam edən müharibə yaxın perspektivdə həll olunmaya bilər və danışıqlarda irəliləyiş əldə edilməzsə, qarşıdurma daha iki ilə qədər uzana bilər.
Bildirilir ki, cəbhə xəttində nisbi sabitlik müşahidə olunur, baxmayaraq ki, Rusiya qüvvələri müəyyən ərazilərdə irəliləyiş əldə edir. Eyni zamanda diplomatik sahədə ciddi irəliləyişin olmaması münaqişənin uzanmasının əsas səbəblərindən biri kimi göstərilir.
Məlumata görə, Ukrayna və Rusiya arasında danışıqlar faktiki olaraq dalana dirənib və onların bərpası ilə bağlı real əlamətlər demək olar ki, yoxdur. Bu vəziyyət sülh perspektivlərini arxa plana keçirir.
Qeyd olunur ki, ABŞ Prezidenti Donald Trampın diqqətinin İranla bağlı münaqişəyə yönəlməsi də Ukrayna məsələsinin prioritetliyini azaldan amillərdən biri kimi qiymətləndirilir. Bununla belə, ABŞ tərəfi ötən həftə müttəfiqlərinə bildirib ki, tərəfləri yenidən danışıqlar masasına qaytarmaq hələ də mümkün hesab olunur.
Ekspertlər hesab edirlər ki, mövcud vəziyyət dəyişməz qalarsa, münaqişə uzunmüddətli fazaya keçə və həm regional, həm də qlobal təhlükəsizlik arxitekturasına ciddi təsir göstərə bilər.
Poliqon.info
