Sumqayıt şəhərində bir ailədə altı uşağın dəm qazından zəhərlənməsinin daha bir təfərrüatı məlum olub.
Publika.az xəbər verir ki, məsələ ilə bağlı İctimai TV-yə danışan uşaqların anası bildirib ki, hadisədən əvvəl uşaqlar həyətdə oynayırdılar:
“Mən də evdə iş görürdüm. Birdən gözümdən yayınıb evə gəldilər. Əvvəlcə mətbəxə baxdım, orada deyildilər. Hamam otağına baxanda gördüm qapı açılmır. Güclə qapını açanda gördük, uşaqlar yerə səriliblər. İlk köməyə də qonşuları çağırdıq, sonra özüm bir-bir uşaqları çıxardım”.
