Kartof qızardarkən qazanın qapağını bağlamaq adətən tövsiyə edilmir. Çünki qapalı mühitdə yaranan buxar kartofların yumşalmasına səbəb olur. Qapağın bağlı olması nəmin çölə çıxmasına mane olur və kartofun üzərində xırtıldayan qatın yaranmasını çətinləşdirir. Bundan əlavə, buxarın qatılaşması yağın temperaturuna və tarazlığına mənfi təsir göstərə bilər. Bu səbəbdən kartofların daha xırtıldayan və ləzzətli olması üçün qızartma zamanı qapağın açıq saxlanılması daha doğru üsuldur.
Aznews.az xəbər verir ki, qapaq bağlandıqda qazan daxilində nəm artır və buxar yığılır. Bu vəziyyət kartofun qızarmaq əvəzinə, sanki buxarda bişmiş (pörtləmiş) kimi bir toxuma qazanmasına gətirib çıxarır. Açıq qabda qızartma isə buxarın asanlıqla xaric olmasını təmin edərək daha quru və xırtıldayan nəticə əldə etməyə kömək edir.
Qapağın bağlanması ilk baxışda yağın ətrafa sıçramasının qarşısını alır kimi görünsə də, əslində risk yaradır. Qapaqda yığılan buxar damcıları qaynayan yağın içinə düşdükdə ani və şiddətli yağ sıçramalarına səbəb olur. Həmçinin qapağı açdıqda üzünüzə vuran isti buxar yanma təhlükəsi yarada bilər. Təhlükəsiz və nəzarətli qızartma üçün qapaq açıq tutulmalıdır.
