ABŞ Prezidenti Donald Tramp vitse-prezident Cey Di Vensi ölkə miqyasında fərqlənən fırıldaqçılıq halları ilə mübarizə üzrə xüsusi səlahiyyətli şəxs — “çar” təyin etdiyini elan edib.
Trampın sözlərinə görə, bu təyinat ölkənin gələcək uğurunu müəyyən edən əsas faktorlardan biri olacaq, çünki hazırda ABŞ-da fərqli formalarda fırıldaqçılıq halları genişmiqyaslı və sistemli xarakter alıb. Ağ Ev rəhbəri Vensin bu istiqamətdə administrasiyanın digər görkəmli nümayəndələri ilə sıx əməkdaşlıq edəcəyini vurğulayıb.
NOCOMMENT.az xəbər verir ki, ABŞ lideri özünün “Truth Social” sosial şəbəkə hesabında paylaşdığı açıqlamada Vensi rəsmən “Fırıldaqçılıqla Mübarizə Çarı” adlandıracağını qeyd edib. Tramp bildirib ki, bu mübarizənin əsas hədəfi fırıldaqçılığın və vergi ödəyicilərinin vəsaitlərinin görünməmiş dərəcədə mənimsənildiyi “mavi ştatlar” olacaq.
Prezident xüsusi olaraq Kaliforniya, İllinoys, Minnesota, Men və Nyu-York ştatlarını qeyd edərək, buradakı demokrat siyasətçiləri korrupsiya mühiti yaratmaqda ittiham edib. O, fırıldaqçılığın miqyasının o qədər böyük olduğunu iddia edib ki, bu vəsaitlərin geri qaytarılması ABŞ-ın dövlət büdcəsini balanslaşdırmağa imkan verə bilər. Artıq Los-Ancelesdə ilk reydlərin başladığını bildirən Tramp, vitse-prezidentə bu çətin missiyada uğurlar arzulayıb.
Sara,
NOCOMMENT.az
